Túrkistan oblysynda memqyzmetshilerdi deklaratsııasyz jumysqa alǵan ákimder aıyppul tóleıtin boldy
Túrkistan oblysynda memlekettik qyzmetkerlerdi deklaratsııasyz jumysqa qabyldaǵan ákimder men basqarma basshylary aıyppul tóleıtin boldy, dep habarlaıdy Kazinform.
Túrkistan oblysynda cybaılas jemqorlyqqa qarsy qyzmet júrgizgen monıtorıng barysynda 7 memlekettik organnyń basshylary jemqorlyqqa qarsy zańnamany buzý faktilerine jol bergeni anyqtaldy.
Nátıjesinde aýdan ákimine, oblystyq basqarma basshysyna, 2 aýyl ákimi men 3 bólim basshysyna jalpy 1,7 mln teńge mólsherinde aıyppul salyndy.
Olar memlekettik qyzmetkerlerdi jumysqa zańmen talap etiletin deklaratsııasyz qabyldaǵan.
«Memlekettik qyzmetke kirgen kezde qarjylyq baqylaý sharalaryn júzege asyrý maqsatynda deklaratsııa tapsyrý mindetti. Zań buzǵan jergilikti atqarýshy organnyń laýazymdy tulǵalary QR ÁQBtK-niń 680-babyna sáıkes óz kinásin moıyndap, sanktsııada kórsetilgen aıyppuldy 50% mólsherinde tóleýge kelisti» delingen Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń baspasóz qyzmeti usynǵan aqparatta.
