Túrkistan oblysynda mektep dırektoryn bopsalaǵan 2 bloger ustaldy

ASTANA. KAZINFORM - Saıram aýdany prokýratýrasynyń úılestirýimen polıtsııa qyzmetkerleri júrgizgen jedel is-sharalar nátıjesinde bopsalaý arqyly aqsha talap etý faktisi boıynsha eki tulǵa ustaldy, dep habarlaıdy QR Bas prokýratýrasynyń baspasóz qyzmeti. 

Atap aıtqanda «A» jáne «E» esimdi belsendi blogerler aýdandaǵy bir mektep dırektorynan Facebook áleýmettik jelisinde iskerlik bedeldigine nuqsan keltiretin jarııalanymyn joıý úshin 100 000 teńge talap etken.

Atalǵan fakt boıynsha QR Qylmystyq kodeksiniń 194-baby 2-bóligimen sotqa deıingi tergep-tekserý bastalyp, kúdiktiler 2 aıǵa qamaýǵa alyndy.

Ózge aqparattar QPK 201-babynyń talaptaryna sáıkes jarııa etýge jatpaıdy.