Túrkistan oblysynda maıly daqyldardy óńdeıtin zaýyt iske qosyldy
TÚRKІSTAN. KAZINFORM – «Maqtaaral AgroÓnerkásip kesheni» jaýapkershiligi shekteýli seriktestigi ósimdik maıyn óndiretin zaýytty iske qosty. Bul týraly Aýyl sharýashylyǵy mınıstrligi habarlady.
Kásiporyn Túrkııanyń HAS MAKINA YDK. PARC. MET. SAN. TIC. LTD. STI. kompanııasynyń zamanaýı tehnologııalyq jelisimen jabdyqtalǵan. Bul aýyl sharýashylyǵy shıkizatyn tereń óńdep, daıyn ónim — ósimdik maıyn óndirýge múmkindik beredi.
Kásiporynnyń jalpy aýmaǵy 4,3 gektar, onyń ishinde 2 686 sharshy metr maı óndiretin zaýyttyń óndiristik ǵımaratyna tıesili.
Zaýyttyń óndiristik qýaty táýligine 100-den 150 tonnaǵa deıin maıly daqyl tuqymyn óńdeýge múmkindik beredi.
Jobanyń quny - 1 mıllıard teńge.
Bul joba óńirdiń agroónerkásip keshenindegi óńdeý salasyn damytýǵa, aýyl sharýashylyǵy ónimderin tereń óńdeý kólemin arttyrýǵa, jergilikti aýyl sharýashylyǵy óndirýshilerin qoldaýǵa jáne Túrkistan oblysynyń ekonomıkalyq áleýetin nyǵaıtýǵa jol ashady.
Aıta keteıik, Aqmola oblysynda maıdy syǵyndylaý zaýytyn salý jónindegi iri ınvestıtsııalyq jobany iske asyrý jumysy bastalady.
Bıyl Qashaǵanda gaz óńdeý zaýyty iske qosylady.
BQO-da teri óńdeıtin zaýyt iske qosyldy.