Túrkistan oblysynda mas kúıde kólik tizgindegen áıel 3 adamnyń ómirin qıdy
TÚRKІSTAN. KAZINFORM — Túrkistan oblysynyń Arys qalasynda jol-kólik oqıǵasy saldarynan 3 adam qaza taýyp, eki adam jaraqattandy. Atalǵan derek boıynsha qylmystyq is qozǵaldy.
Aldyn ala málimetke sáıkes, Arys qalasynda JAC markaly avtokólikti tizgindegen áıel mas kúıinde birneshe adamdy qaǵyp, qashyp ketken.
Oqıǵa ornyna polıtsııa qyzmetkerleri jedel jetip, izdestirý is-sharalaryn júrgizdi. Nátıjesinde kúdikti anyqtalyp, ustaldy. Ol ýaqytsha ustaý ızolıatoryna qamaldy.
— Oqıǵa ornynda 3 adam, onyń ishinde eki kámeletke tolmaǵan jasóspirim kóz jumdy. Sondaı-aq zardap shekken eki adam medıtsınalyq mekemege jetkizilip, qajetti kómek kórsetildi, — dep habarlady Túrkistan oblysy polıtsııa departamenti.
Qazir jedel-tergeý toby oqıǵanyń barlyq mán-jaıyn jan-jaqty, tolyq ári obektıvti anyqtaýǵa baǵyttalǵan tergeý amaldaryn júrgizip jatyr. Tergeý nátıjesi boıynsha tıisti protsessýaldyq sheshim qabyldanady.
Polıtsııa azamattardy jalǵan aqparat taratpaýǵa jáne tek resmı derekkózderge súıenýge shaqyrdy.
Budan buryn Túrkistan oblysynda jarysqa bara jatqan 3 jasóspirim jol apatynan kóz jumǵanyn jazǵan edik.
