Túrkistan oblysynda mal jaıý qaǵıdalaryn buzǵan 75 adam jaýapqa tartyldy
TÚRKІSTAN. KAZINFORM - Óńirde «Mal urysy» jedel-profılaktıkalyq is-sharasyn ótip jatyr.

Reıdtik jumystar barysynda ıesiz mal jaıýdyń 48 faktisi anyqtalyp, 579 bas úı janýary qoralarǵa qamaldy. Mal jaıý qaǵıdalaryn buzǵany úshin 75 adam jaýapqa tartylsa, mal men et ónimderin zańsyz tasymaldaǵan 39 adamǵa ákimshilik hattamalar túzildi.
Túrkistan oblysy polıtsııa departamentiniń krımınaldyq polıtsııa qyzmetkerleri, veterınarlyq ınspektsııamen jáne ákimdikpen birlesip Saıram aýdany Qarabulaq aýylynda 6 mal soıý ornyn tekserdi. Nátıjesinde veterınarııa salasyndaǵy quqyq buzýshylyqtar úshin 30-dan astam ákimshilik hattama toltyryldy.
Qazyǵurt aýdanynda mal urlyǵyna qatysy bar eki kúdikti ustalyp, olardan urlanǵan maldar tárkilendi. Sondaı-aq izdeý sharalary barysynda, mal ıelerine jalpy 55 bas tórt túlik qaıtaryldy. Onyń ishinde 22 jylqy men 33 bas usaq mal bar.
- Túrkistan oblysynyń polıtseıleri mal urlyǵynyń aldyn alý, quqyq buzýshylyqtardy anyqtaý jáne maldy zańsyz tasymaldaý, sondaı-aq bazarlar men et ónimderin satý pýnktterinde tıisti qujattardyń bar-joǵyn tekserý boıynsha is-sharalardy jalǵastyrýda, - delingen vedomstva aqparatynda.
Aıta keteıik, budan buryn Túrkistanda adamdardyń ýlaný faktisine qatysty tergeý bastalǵanyn jazǵan bolatynbyz.