Túrkistan oblysynda mal izdeýge shyqqan 2 adam tabylmaı jatyr
TÚRKІSTAN. KAZINFORM – Іzdeý jumystaryna qutqarýshylarmen birge jergilikti turǵyndar da jumyldyryldy.
Týystarynyń aıtýynsha, joǵalǵan eki azamat Túlkibas aýdany Kereıt aýylanan mal izdeýge shyǵyp, qaıtar baǵytta kúnniń buzylýyna baılanysty adasyp ketken. Іzdestirý jumystaryna Tótenshe jaǵdaılar departamenti jeke quramynan 30 adam, 4 tehnıka jáne 2 dron jumyldyryldy. Sondaı-aq, jergilikti turǵyndar da kómekke shyqqan.
«Eki adamnyń joǵalǵany jaıynda 7 aqpan kúni týystary habarlady. Túrkistan oblysynyń TJD qys mezgilinde qaýipsizdik erejelerin saqtaý qajettiligi týraly eskertedi! Aýa raıyna baılanysty eskertýlerge nazar aýdaryńyz jáne kún buzylǵan jaǵdaıda úıde bolyńyz! Tótenshe jaǵdaı týyndasa qutqarý qyzmetiniń táýlik boıǵy «112» biryńǵaı nómirine nemese «101» nómirine qońyraý shalyńyz» - delingen Túrkistan oblysy Tótenshe jaǵdaılar departamenti taratqan aqparatta.
