Túrkistan oblysynda maqta óńdeý zaýytynan órt shyqty

ASTANA. KAZINFORM – Túrkistan oblysynda maqta óńdeý zaýatynan órt shyǵyp, 40 tonnaǵa jýyq maqta janyp ketti, dep habarlaıdy QR Tótenshe jaǵdaılar mınıstrlliginiń baspasóz qyzmeti.

Baspasóz qyzmetiniń málimetterine qaraǵanda, Túrkistan oblysynyń qutqarýshylary 80 tonna maqtany órtten qorǵap, órttiń taralýyna jol bermedi. Oqıǵa Maqtaaral aýdanynyń Aqaltyn aýylynda boldy. Maqta óńdeý zaýytynyń aýmaǵynda 150 sharshy metr alańda 40 tonnaǵa jýyq jınalǵan maqta órtengen.

«Órt sóndirýshiler órttiń 350 sharshy metr alańǵa taralýyna jol bermeı, 80 tonna maqtany órtten qorǵap qaldy. Órt sóndirildi. Zardap shekkender joq. Órttiń sebebi anyqtalýda»,-delingen habarlamada.

Osyǵan deıin Batys Qazaqstanda aýmaǵy 300 sharshy metr qoıma janyp ketkeni týraly jazdyq.