Túrkistan oblysynda kúshti jel elektr jelilerin zaqymdap, aǵashtardy qulatty
TÚRKІSTAN. KAZINFORM - Mamandar tabıǵattyń tosyn mineziniń saldaryn joıýmen táýlik boıy aınalysty.
Kún raıynyń kúrt ózgerýine baılanysty Túrkistan oblysynda 110/35/10 kV kerneýli áýe elektr jelilerinde apattar boldy.
Jel aǵashtardy qulatyp, shatyrlardy ushyryp, elektr jelileriniń keıbir bólikterine zaqym keltirdi. Birqatar eldi mekende ýaqytsha elektr jaryǵy sóndirildi.
— Tótenshe jaǵdaıdyń saldaryn joıý jáne elektrmen jabdyqtaýdy qalpyna keltirý úshin barlyq qajetti kúsh pen tehnıka jumyldyryldy. «Ońtústik Jaryq Tranzıt» JShS-niń apattyq-qalpyna keltirý brıgadalary kúsheıtilgen rejımde jumys istedi. Qalpyna keltirý jumystary táýlik boıy júrgizildi, — dep habarlady mamandar.
Aıta keteıik, budan buryn sınoptıkter óńirde jańbyr jaýyp, jel men daýyl turatyndyǵyn málimdegen bolatyn. Al, «Qazgıdromet» mamandary Shymkent qalasynda 18 mamyrda túnde jáne tańerteń naızaǵaı oınaýy yqtımaldylyǵy týraly habarlady. Sondaı-aq, Batystan, Ońtústik-batystan ekpini 15-20 m/s bolatyn jel soǵady dep boljanyp otyr.