Túrkistan oblysynda kúrish óńdeý tsehy iske qosyldy

ASTANA. KAZINFORM - Jetisaı qalasynda kásipker Aqbaıan Altaýova kúrish óńdeıtin tseh ashty. Bul týraly Aýyl sharýashylyǵy mınıstrligi habarlady.

Qajetti jabdyqtar kásipkerdiń Qytaıdan tartylǵan 190 mln teńge kólemindegi ınvestıtsııalyq qarajaty esebinen satyp alyndy.

Tsehtyń táýliktik qýattylyǵy — 7 tonna shıkizat. Daıyn ónim óńirdegi saýda núktelerinde, sondaı-aq Shymkent jáne Almaty qalalarynda satylyp jatyr.
Kásipker memlekettik qoldaý sharalaryn tıimdi paıdalanyp, óz bıznesin keńeıtýdi josparlap otyr.

Aıta keteıik, sońǵy 5 jylda Jetisaı qalasyna 94,5 mlrd teńge kóleminde ınvestıtsııa tartylǵan.

Jalpy 8 joba júzege asyryldy. Aldaǵy jyldarǵa taǵy 6 jobany qolǵa alý mejelenip otyr.

Buǵan deıin Qyzylordanyń kúrishinen qamysyna deıin eksporttalyp jatqanyn jazǵan edik.

Y.Jaqaev atyndaǵy Qazaq kúrish sharýashylyǵy ǵylymı-zertteý ınstıtýtyn jetildirýge respýblıkalyq bıýdjetten 4,1 mlrd teńge bólinedi. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.