Túrkistan oblysynda qurylysy bitpegen páterlerge tólengen 200 mln teńge bıýdjetke qaıtaryldy
TÚRKІSTAN. KAZINFORM – Jetisaı aýdanynda qurylysy tolyq aıaqtalmaǵan 28 páterdiń memlekettik satyp alý arqyly qabyldap alynǵany belgili boldy.
Oblystyq prokýratýranyń málimetinshe, aýdandyq prokýratýra ókilderi jergilikti atqarýshy organmen turǵyn úı-jaılardy satyp alý kezindegi zańdylyqtyń saqtalýyna taldaý júrgizgen.
– Nátıjesinde jergilikti atqarýshy organnyń syrtqy jáne ishki qurylys jumystary tolyq aıaqtalmaǵan, sondaı-aq tehnıkalyq erekshelikterge sáıkes kelmeıtin 28 páterdi memlekettik satyp alýlar arqyly qabyldap alǵany anyqtaldy, - delingen resmı aqparatta.
Vedomstvonyń málimdeýinshe, atalǵan baspanalar úshin bıýdjet qarajaty zańsyz tólengen.
– Prokýrorlyq qadaǵalaý aktisi boıynsha 28 páterge negizsiz tólengen 200 mln teńge jergilikti bıýdjetke qaıtaryldy, - dep habarlady oblystyq prokýratýra.
Budan buryn Jetisaı aýdanynda qurylysyna 8,5 mlrd teńge jumsalǵan jańa mektep apatty jaǵdaıda turǵanyn jazǵan edik.
