Túrkistan oblysynda quny 9 mlrd teńge bolatyn qus fabrıkasy salynady
TÚRKІSTAN. KAZINFORM – Kelesi jyly óńirde jalpy quny 9 mlrd teńge bolatyn zamanaýı qus fabrıkasyn salý boıynsha iri ınvestıtsııalyq joba iske asyrylatyn bolady.
Aýyl sharýashylyǵy mınıstrligi málimetinshe, qus fabrıkasy eki baǵytta jumys isteıdi: etti broılerlerdi óndirý jáne jumyrtqa shyǵarý.
Joba aıasynda bir óndiristik tsıklde 60 000 broıler ósirý josparlanyp otyr, bul jylyna shamamen 1401 tonna qus etin shyǵarýǵa múmkindik beredi.
Odan bólek, 120 000 jumyrtqa beretin taýyq baǵylady, jyldyq óndiris kólemi – 34,9 mln jumyrtqa.
Investor jobany óz esebinen qarjylandyrady. Kásiporynnyń qurylysy 2026–2028 jyldary kezeń-kezeńimen júrgizilmek. Jańa keshen oblystyń agroónerkásiptik salasynyń mańyzdy obektileriniń birine aınalyp, ishki naryqty sapaly qus ónimderimen qamtamasyz etýge baǵyttalmaq.
Aıta keteıik, Jambyl oblysynda jylyna 70 myń tonna qus etin óńdeıtin zaýyt iske qosyldy.
Bıylǵy on aıda óndirilgen qus etiniń kólemi 7,2 paıyzǵa artqan.