Túrkistan oblysynda qoı baǵýǵa shyǵyp, qaıta oralmaǵan eki jasóspirim tabyldy
TÚRKІSTAN. KAZINFORM - Oqıǵa Sozaq aýdanynda boldy. 16 jastaǵy eki jasóspirim qoı baǵýǵa shyǵyp, qaıta oralmaǵan.
Іzdestirý-qutqarý jumystaryna Túrkistan oblysy jedel qutqarý jasaǵynyń 4 qutqarýshysy, 1 tehnıkasy jáne 1 kınologııalyq esep qyzmeti, Túrkistan oblysy TJD-niń 14 qyzmetkeri men 3 tehnıkasy, 2 pılotsyz ushý apparaty, polıtsııa departamentiniń 33 qyzmetkeri jumyldyryldy.
Sondaı-aq TJM qarasty «Qazavıaqutqarý» mekemesiniń evrokopter tikushaǵy men jergilikti turǵyndar jáne eriktiler tartyldy.
«Qutqarýshylardyń kúshimen 28 maýsym kúni saǵat 16:00-de joǵalǵan jasóspirimder «Qarataý memlekettik tabıǵı qoryǵy» RMM aýmaǵynan tabyldy. Medıtsınalyq kómek qajet etpedi. Jasópirimder Taýkent aýylynyń mańyndaǵy shtabqa tikushaqpen jetkizildi», - delingen Túrkistan oblysy TJD baspasóz qyzmeti usynǵan aqparatta.
