Túrkistan oblysynda kóshege 2 tonna qurylys qaldyǵyn tókken turǵyn jaýapqa tartyldy
ASTANA. KAZINFORM — Túrkistan oblysynyń Qazyǵurt aýdanynda kóshege 2 tonnadan astam beton jáne ózge de qurylys qaldyqtaryn tókken turǵyn anyqtaldy. Oǵan abattandyrý talaptaryn buzǵany úshin tıisti shara qoldanyldy. Bul týraly Polisia.kz jazdy.
Túrkistan oblysynda polıtsııa qyzmetkerleri qoǵamdyq tártipti saqtaýmen qatar eldimeken aýmaǵynda tazalyq pen abattandyrý talaptarynyń saqtalýyn qamtamasyz etý maqsatynda profılaktıkalyq is-shara ótkizgen.
Shara barysynda Qazyǵurt aýdanynyń turǵyny kóshe boıyna 2 tonnadan astam beton jáne ózge de qurylys qaldyqtaryn tókkeni anyqtaldy. Azamattyń áreketine baılanysty abattandyrý qaǵıdalaryn buzǵany úshin shara kórildi. Sonymen qatar tártip saqshylary 20-dan astam qoǵamdyq oryndy tekserdi. Nátıjesinde táýlik ishinde 14 quqyq buzýshylyq anyqtalyp, tıisti sharalar qabyldandy.
Polıtseıler turǵyndardy qoǵamdyq oryndarda tazalyq saqtap, abattandyrý talaptaryn buzbaýǵa jáne belgilengen tártipti saqtaýǵa shaqyrady.
Qurylys qaldyqtaryn qoqys jáshigine tastaýǵa bola ma? Naqtyraq myna siltemeden oqyńyz.
