Túrkistan oblysynda kóshi-qon zańnamasyn buzýdyń 630 deregi tirkeldi
TÚRKІSTAN. KAZINFORM – Túrkistan oblysynda zańsyz júrgen 583 sheteldik anyqtalyp, tirkeýde joq 7 atys qarýy tárkilendi.
Óńirde turǵyndardyń qaýipsizdigin qamtamasyz etý jáne quqyq buzýshylyqtardyń aldyn alý maqsatynda «Qaýipsiz úı» jedel-profılaktıkalyq is-sharasy ótip jatyr.
Oblystyq polıtsııa departamentiniń málimetinshe, 15 táýlik ishinde tártip saqshylary 16 myńnan astam turǵyn úıdi aralap, teksergen.
– Іs-shara barysynda kóshi-qon zańnamasyn buzýdyń 630 deregi anyqtaldy. El aýmaǵynda zańsyz júrgen 583 sheteldik esepke alyndy. Olardyń 303-in sot sheshimimen elden shyǵarý úshin tıisti qujattar rásimdeldi, – delingen polıtsııa habarlamasynda.
Sonymen qatar azamattyq qarý ıelerine tekserý júrgizilip, qarýdy saqtaý jáne tirkeý talaptaryn saqtaýyna baqylaý júrgizildi. Nátıjesinde tirkelmegen 7 atys qarýy tárkilendi.
Kámeletke tolmaǵandardyń qaýipsizdigine de nazar aýdaryldy. Tekserý barysynda oıyn-saýyq oryndarynda zańdy ókilderinsiz júrgen 261 jasóspirim anyqtaldy.
Buǵan deıin ınternet-alaıaqtyqqa qatysy bar Qytaıdyń 13 azamaty elden shyǵarylǵanyn habarlaǵan edik.
