Túrkistan oblysynda kóshi-qon zańnamasyn buzǵan 9 sheteldik anyqtaldy
TÚRKІSTAN. KAZINFORM — Túrkistan oblysynda 9 sheteldik azamat kóshi-qon zańnamasyn buzǵan.
Óńirde kóshi-qon salasyndaǵy quqyq buzýshylyqtardy anyqtaý jáne jolyn kesý maqsatynda «Zańsyz kelýshi» jedel-profılaktıkalyq sharasy ótkizilip jatyr.
Polisia.kz-tiń málimetinshe, atalymysh is-sharaǵa kóshi-qon qyzmetkerleri, ýchaskelik ınspektorlar, krımınaldyq jáne patrýldik polıtsııa jumyldyrylǵan. Júıeli jumys nátıjesinde Ordabasy aýdanynda 9 quqyq buzýshy anyqtaldy. Onyń ishinde sheteldikterdiń kóshi-qon zańnamasyn buzǵany úshin 6 ákimshilik hattama toltyryldy. Sondaı-aq úsh azamat kóshi-qon zańnamasyn buzǵany jáne sheteldik jumys kúshin zańsyz tartqany úshin jaýapqa tartyldy.
Budan bólek, polıtseıler sheteldik azamattarmen jáne jumys berýshilermen kóshi-qon salasyndaǵy zańnamany qatań saqtaý qajettigi týraly túsindirý jumystaryn júrgizip jatyr.
Eske sala keteıik, buǵan deıin Májilis Astana, Almaty, Shymkent qalalarynyń kóshi-qonyn retteıtin zań jobasyn maquldaǵanyn jazǵan edik.