Túrkistan oblysynda kóshi-qon zańnamasyn buzǵan 181 adam jaýapqa tartyldy
ASTANA. KAZINFORM – Jetisaı aýdanynda kóshi-qon zańnamasyn buzýdyń 181 faktisi anyqtaldy.
Jetisaı aýdanynyń prokýratýrasy aýdan aýmaǵynda kóshi-qon zańnamasynyń saqtalýyna taldaý júrgizdi.
Taldaý nátıjesinde shetel azamattarynyń Qazaqstan Respýblıkasynyń aýmaǵynda tirkeýsiz júrýi jáne zańsyz sheteldik jumys kúshin tartý faktileri anyqtaldy.
— Prokýrorlyq qadaǵalaý aktisi boıynsha qabyldanǵan sharalardyń nátıjesinde kóshi-qon zańnamasyn buzǵan 181 tulǵa ákimshilik jaýapqa tartylyp, memleket kirisine 2,8 mln teńge kóleminde aıyppul óndirildi, — delingen prokýratýra habarlamasynda.
Aıta ketelik Almaty oblysynda JI zańsyz kóshi-qon derekterin anyqtaýǵa kómekteskeni týraly jazǵan edik.
