Túrkistan oblysynda kóshi-qon zańnamasyn buzǵan 12 sheteldik ustaldy
ASTANA. KAZINFORM — 12 shetel azamatynyń ekskavator men júk avtokóligin paıdalana otyryp zańsyz jer qoınaýyn paıdalanýǵa baılanysty jumystardy júrgizgeni anyqtaldy.
Túrkistan oblysynda polıtsııa qyzmetkerleri tarapynan kóshi-qon zańnamasyn buzýshylyqtardy anyqtaý men jolyn kesý, sheteldik jumys kúshin tartý salasyndaǵy zańdylyqtyń saqtalýyn qamtamasyz etý, sondaı-aq zańsyz jer qoınaýyn paıdalanýǵa qarsy is-qımyl baǵytynda turaqty túrde júıeli jumys júrgizilip jatyr.
Máselen, Túlkibas aýdanynyń aýmaǵynda kóshi-qon zańnamasyn buzý faktisi anyqtaldy. Tekserý barysynda 12 shetel azamatynyń ekskavator men júk avtokóligin paıdalana otyryp zańsyz jer qoınaýyn paıdalanýǵa baılanysty jumystardy júrgizgeni anyqtaldy.
Quqyq buzýshylardyń barlyǵyna qatysty kóshi-qon zańnamasynyń talaptaryn buzǵany úshin ákimshilik materıaldar jınaqtalyp, tıisti sheshim qabyldaý úshin sotqa joldandy. Sonymen qatar kóshi-qon zańnamasyn buzǵany men sheteldik jumys kúshin zańsyz tartqany úshin qabyldaýshy tarapqa da ákimshilik shara qoldanyldy.
Tártip saqshylarynyń der kezinde aralasýynyń nátıjesinde shetel azamattarynyń zańsyz eńbek qyzmetiniń joly kesilip, zańsyz jer qoınaýyn paıdalanýǵa baılanysty jumystardy júrgizý kezinde kóshi-qon zańnamasynyń odan ári buzylýyna jol berilmedi.
Aıta ketelik Almatydaǵy zańsyz oıyn bıznesine qatysy bar sheteldik elge qaıtaryldy.
