Túrkistan oblysynda kortejben júrgen túlekterge eskertý jasaldy
TÚRKІSTAN. KAZINFORM- Jol erejesin buzǵan avtokólik júrgizýshilerine ákimshilik shara qoldanyldy, dep habarlaıdy oblystyq Polıtsııa departamentiniń baspasóz qyzmeti.
Polıtseıler tarapynan júrgizilgen túsindirý sharalary men eskertýlerge qaramastan, birqatar túlekter kortej uıymdastyrǵan.
Máselen, Shymkent qalasyndaǵy mektepterdi bitirýshi jastar Túlkibas aýdanynda kortej jasap, kólik terezelerinen denesin shyǵaryp júrgen.
Dál osyndaı derek Ordabasy, Qazyǵurt aýdandarynda da tirkeldi.
«Kortejdegi avtokólikterdiń barlyǵyna derlik ákimshilik shara qoldanyldy. Al, oqýshylar men ata-analarǵa túsindirý jumystary júrgizildi. Oblys polıtseıleri reıd sharalaryn jalǵastyrýda. Sondyqtan jol qaýipsizdigin saqtańyzdar!» - delingen Túrkistan oblysy polıtsııa departamentiniń baspasóz qyzmeti usynǵan aqparatta.
