Túrkistan oblysynda kommýnaldyq qyzmetter baǵasy zańsyz kóterilgeni anyqtaldy
TÚRKІSTAN. KAZINFORM – Saryaǵash aýdanynyń prokýratýrasy aýdan aýmaǵynda kommýnaldyq qyzmetter kórsetetin «Saryaǵash Turmys» MKK qyzmetine taldaý júrgizdi.
Taldaý barysynda kásiporynnyń ýákiletti organnyń tarıfti bekitý týraly kúshin joıǵan buıryǵyn qoldaný nátıjesinde 2022-2023 jyldary 51 kásipker sarqyndy sýlardy qabyldaý qyzmeti úshin negizsiz 38 mln teńgeden astam qarjyny artyq tólegeni belgili boldy.
«Sondaı-aq kásiporynnyń buryn engizilgen ýaqytsha ótemdik tarıfti qoldanbaýy jáne aýyz sýmen qamtamasyz etý qyzmetteri úshin tarıf mólsherin óz betinshe asyra belgileý saldarynan 2022-2023 jyldary 14 eldi mekenniń 24 025 abonenti jalpy 8 708 289 teńge qarajatty negizsiz artyq tólegen. Osylaısha kásiporyn 24 076 tutynýshynyń quqyqtaryn buzǵan», — dep jazdy baqylaýshy organnan.
Atalǵan buzýshylyqtar boıynsha aýdan prokýratýrasy aýdan ákimine jáne Tabıǵı monopolııalardy retteý komıtetiniń Túrkistan oblysy boıynsha departamentine prokýrorlyq qadaǵalaý aktilerin engizdi.
Kásiporyn Qazaqstan Respýblıkasynyń ákimshilik quqyq buzýshylyq týraly kodeksiniń 164-babynyń 5-bóligi boıynsha ákimshilik jaýapkershilikke tartylyp, 4,7 mln teńge aıyppul salyndy, 2 laýazymdy adam tártiptik jaýaptylyqqa tartyldy.
Tutynýshylarǵa keltirilgen zalal ýaqytsha ótemdik tarıfin engizý arqyly óteletin bolady
