Túrkistan oblysynda kolledj stýdentiniń máıiti tabyldy
TÚRKІSTAN. KAZINFORM – Túrkistan oblysynyń Ordabasy aýdanyna qarasty Tórtkúl aýylynda jas qyzdyń máıiti tabyldy. Ol kolledjdiń birinshi kýrs stýdenti bolǵan. Bul týraly oblystyq polıtsııa departamentiniń baspasóz qyzmeti málimdedi.
Vedomstvonyń habarlaýynsha, qaıǵyly oqıǵa 6 maýsym kúni tańǵy saǵat 07:05 shamasynda tirkelgen.
Oqıǵa ornyna dereý jetken quqyq qorǵaý organdary kúdiktini jedel izdestirý nátıjesinde ustaǵan. Qazir ol ýaqytsha ustaý ızolıatorynda qamaýda otyr.
- Atalǵan derek boıynsha qylmystyq is qozǵaldy. Qaıǵyly oqıǵanyń barlyq mán-jaıyn anyqtaý maqsatynda tergeý amaldary bastaldy. Tergeý barysy Túrkistan oblystyq polıtsııa departamenti basshylyǵynyń qatań baqylaýynda.
QR Qylmystyq-protsestik kodeksiniń 201-babyna sáıkes, tergeý múddesine baılanysty ózge aqparattar jarııa etýge jatpaıdy, – delingen resmı málimdemede.
Aıta keteıik, budan buryn Shymkentte taksı kóligin taspen urǵan boıjetken qamaýǵa alynǵanyn jazǵan bolatynbyz.