Túrkistan oblysynda kolledj dırektoryn bopsalap, 28 mln teńgesin alǵan áıel 7 jylǵa sottaldy

TÚRKІSTAN. KAZINFORM – Túrkistan oblysynyń qylmystyq ister jónindegi mamandandyrylǵan aýdanaralyq sotynda QR QK 194-baby 4-bóliginiń 2-tarmaǵymen aıyptalǵan sottalýshyǵa qatysty qylmystyq is qaraldy.

Oqıǵa 2018 jyly bolǵan. Kolledjge qyzmetke ornalasqan kelinshek dırektormen jynystyq qatynasqa túsip, ony uıaly telefonyna basyp alǵan. Sodan bastap, qomaqty qarajat bermeseń, áleýmettik jelige jarııalaımyn dep qorqytyp kelgen. Alǵashqyda 2 500 000 teńge alǵan áıel, bul áreketti birneshe márte qaıtalaǵan. Birte-birte qarjy kóleminde ulǵaıtyp otyrǵan. Birinde kólik alyp berýin talap etken. Al, eń sońǵy talabynda 13 mln teńge suraǵan.

Kúdiktiniń qylmystyq áreket jasaýyn toqtatpaıtynyna kózi jetken jábirlenýshi Túrkistan oblysynyń polıtsııa departamentine aryzdanǵan.

Sot sheshimimen sottalýshy Qazaqstan Respýblıkasy qylmystyq kodeksiniń 194-babynyń 4-bóliginiń 2-tarmaǵymen kináli dep tanyldy. Sot túpkilikti 7 jyl merzimge bas bostandyǵynan aıyrý jazasyn taǵaıyndady.

Sondaı-aq, sottalýshy jábirlenýshiniń paıdasyna 28 000 000 teńge óndirip beretin boldy.

«Jazany qylmystyq-atqarý júıesiniń qaýipsizdigi ortasha mekemesinde óteıdi. Úkim zańdy kúshine engen joq» - delingen Túrkistan oblystyq sotynyń baspasóz qyzmeti usynǵan aqparatta.