Túrkistan oblysynda kóligin qysqa daıyndamaǵan 26 júrgizýshi jaýapqa tartyldy
TÚRKІSTAN. KAZINFORM - Qysqy maýsym bastalýyna baılanysty tártip saqshylary joldaǵy qaýipsizdikti saqtap, kólikterge «qysqy dońǵalaq» ornatý kerektigin eskertedi.
Birinshi jeltoqsannan bastap tehnıkalyq reglamentti saqtamaǵan avtokólik júrgizýshilerine aıyppul salynady.
Máselen, Túrkistan oblysynda polıtseıler avtokólikterde qysqy dońǵalaq bolmaǵany úshin 26 júrgizýshini ákimshilik jaýapkershilikke tartty.
- Qysqy dońǵalaqqa aýysý tek zań talaptaryn oryndaý ǵana emes, bul joldaǵy qıyndyqtardan aýlaq bolýǵa jáne ózińizdiń, basqalardyń qaýipsizdigine aıtarlyqtaı kómektesedi. Kóktaıǵaqta jazǵy dońǵalaqpen júrýdiń saldary aýyr apatqa ákelýi múmkin ekenin eske salamyz. Kólik quraldarynyń jaǵdaıyn tekserip, mezgilge saı daıyndaý qajet. Joldarda abaı bolyńyz jáne jol erejelerin saqtańyz, - delingen Túrkistan oblysy Golıtsııa departamentiniń baspasóz qyzmeti usynǵan aqparatta.