Túrkistan oblysynda qola dáýiriniń qundy jádigerleri tabyldy
TÚRKІSTAN. KAZINFORM — Ordabasy aýdanyndaǵy Bógen sý qoımasynyń mańynda júrgizilgen arheologııalyq qazba jumystary nátıjesinde qola dáýirine tıesili qundy jádigerler tabyldy.
Ǵylymı ekspedıtsııaǵa belgili arheolog A. N. Podýshkın jetekshilik etti. Qundy jádigerler arasynda 60–40 myń jyl burynǵy tas quraldar, altynmen kómkerilgen áshekeı buıymdar, qoladan jasalǵan bilezikter men turmystyq zattar, jaýyngerdiń qarý-jaraqtary, sondaı-aq ortaǵasyrlyq mys tıyndar bar.
Mamandardyń aıtýynsha, mundaı kólemdegi jádigerler alǵash ret Orta Azııa keńistiginde dál osy Ordabasy jerinen tabylyp otyr. Bul — tek Qazaqstan tarıhy ǵana emes, búkil aımaq úshin úlken ǵylymı jańalyq.
Barlyq tabylǵan buıymdar arnaıy zerthanalyq saraptamadan ótkizilip, keıinnen «Ordabasy» ulttyq tarıhı-mádenı qoryq-mýzeıiniń qoryna tapsyrylatyn bolady.
Arheologtardyń aıtýynsha, bul qazbalar Ordabasy óńiriniń ejelgi órkenıet pen mádenıettiń iri ortalyǵy bolǵanyn aıqyn dáleldeıdi.
Aıta keteıik, budan buryn Túrkistanda medıtsına qyzmetkerine kúsh qoldanǵan turǵyn qamaýǵa alynǵanyn jazǵan bolatynbyz.