Túrkistan oblysynda Kóksaraı kontrrettegishin mehanıkalyq tazartý jumystary bastaldy
TÚRKІSTAN. KAZINFORM – Túrkistan oblysyndaǵy «Qazsýshar» RMK fılıaly Kóksaraı kontrrettegishiniń bas gıdrotorabynda mehanıkalyq tazartý jumystaryn bastady. Qazirgi ýaqytta nysannan laı men qum arnaıy tehnıka arqyly shyǵarylyp jatyr. Bul týraly Sý resýrstary jáne ırrıgatsııa mınıstrligi málim etti.
– Bul jumystar tasqyn kezeńinde erigen sýdy qaýipsiz ótkizý úshin júrgizilip jatyr Kóktemgi kezeńde Aral teńizin toltyrý jáne Qyzylorda oblysynyń egis alqaptaryn sýarmaly sýmen qamtamasyz etý úshin Kóksaraı kontrrettegishinen Syrdarııa ózeniniń tómengi aǵysyna sý jiberý bastalady, – dedi Sý resýrstary jáne ırrıgatsııa mınıstri Nurjan Nurjigitov.
Kóksaraı kontrrettegishiniń syıymdylyǵy – 3 mlrd tekshe metr. Nysannyń negizgi maqsaty – Syrdarııa ózeni basseıninde sý tasqynynyń aldyn alý, Shardara sý qoımasyna túsetin erigen sý kólemin retteý, sondaı-aq aýyl sharýashylyǵy men jergilikti ekojúıelerdi turaqty sýmen qamtamasyz etý.
Eske sala keteıik, bqǵan deıin Túrkistan oblysynda vegetatsııa kezeńi aıaqtalyp kele jatqanyn jazǵan edik. Óńirdegi sharýa qojalyqtary sýarmaly sýdy der kezinde jetkizip otyrǵany úshin Sý resýrstary jáne ırrıgatsııa mınıstrligine alǵys bildirgen edi.
