Túrkistan oblysynda qoqys jınaýdan jarys ótti
TÚRKІSTAN. KAZINFORM - «Taza Qazaqstan» baǵdarlamasy aıasynda Hantaǵy aýylynda erekshe formattaǵy tazalyq sharasy uıymdastyryldy.
«Qarataý qoryǵy» aýmaǵynda ótken ploggıngke qatysýshylar júgirip júrip qoqys jınady.
Jarysqa qaladaǵy memlekettik mekemeler men uıymdar, qalalyq máslıhat depýtattary, kolledj stýdentteri men eriktilerden quralǵan 35 komanda qatysty. 15 arnaıy tehnıka jumyldyrylyp, 300-den astam qap qoqys shyǵaryldy. Jalpy sharaǵa 500-den astam adam atsalysty.
Kentaý qalasynyń ákimi Jandos Tasov tabıǵatty aıalaýǵa belsendi úles qosqan barlyq qatysýshyǵa rızashylyǵyn bildirdi. Sondaı-aq qorshaǵan ortanyń tazalyǵy – adam ómirindegi basty qundylyqtardyń biri ekenin atap ótti.
Tazalyq eko-jarysynyń qorytyndysy boıynsha belsendilik tanytqan komandalar júldeli oryndarǵa ıe bolyp, alǵys hattar men baǵaly syılyqtardy ıelendi.
Aıta keteıik, budan buryn «Taza Qazaqstan» aktsııasy aıasynda MNU-da jańa gúlzardyń qurylysy bastalǵanyn jazǵan bolatynbyz.