Túrkistan oblysynda qyzǵaldaq julǵan turǵynǵa qatysty qylmystyq is qozǵaldy
TÚRKІSTAN. KAZINFORM- Qazir alqaptarǵa eskertý taqtaıshalary ornatylyp jatyr.
Ordabasy aýdany Uıalyjar aýyldyq okrýgindegi alqapta Qyzyl kitapqa engen qyzǵaldaqtardy julǵan Shymkent qalasynyń turǵyny ustaldy.
Atalǵan jaıt boıynsha QK-niń 339-baby «Ósimdikterdiń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerin joıý» boıynsha qylmystyq is qozǵaldy.
Barlyq mán-jaılardy anyqtaýǵa baǵyttalǵan tergeý júrgiziledi, onyń nátıjeleri boıynsha zańdy sheshim qabyldanady.
— Polıtsııa tabıǵatty qorǵaý zańnamasynyń buzylýyn anyqtaý úshin reıdter men áleýmettik jelilerge monıtorıng júrgizip jatyr. Sondaı-aq alqaptarǵa eskertý taqtaıshalary ornatylyp, túsindirý jumystary istelip jatyr. Tártip saqshylary Qyzyl kitapqa engen ósimdikterdi julǵany úshin zańǵa sáıkes jaýapkershilik qarastyrylǵanyn eske salady, — delingen Túrkistan oblysy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn Shymkentte antıkor tóraǵasynyń burynǵy orynbasary 11 jylǵa sottalǵanyn jazǵan bolatynbyz.