Túrkistan oblysynda qytaılyq ınvestor toqyma kombınatyn salyp jatyr

ASTANA. KAZINFORM — Túrkistan oblysynda qytaılyq ınvestıtsııanyń kólemi artyp keledi, bul óńirdegi ónerkásiptiń damýyna oń áserin tıgizip jatyr. Bul týraly Qazaqstan Respýblıkasynyń Premer-mınıstriniń orynbasary — Ulttyq ekonomıka mınıstri Serik Jumanǵarın málim etti.

Vıtse-premerdiń málimdeýinshe, Túrkistan oblysynda qytaılyq ınvestordyń qatysýymen maqtany óńdeýden bastap daıyn ónim shyǵarýǵa deıingi tolyq óndiristik tsıkldy qamtıtyn toqyma kombınatynyń qurylysy júrip jatyr.

— Men bul kompanııaǵa alǵash barǵanymda, joba endi bastalǵan bolatyn, al qazir nátıjesi shynymen de keremet, — dep atap ótti Serik Jumanǵarın Astanada ótip jatqan «Qytaı — Ortalyq Azııa» iskerlik keńesiniń ekinshi otyrysynyń barysynda.

Sondaı-aq ulttyq ekonomıka mınıstri elimizge sheteldik ınvestıtsııanyń kelýi óńirlik ekonomıkanyń damýyna tikeleı yqpal etetinin aıtty.

— Saýdasyz ınvestıtsııa bolmaıdy. Saýda naryqty zertteýge múmkindik beredi, sodan keıin iri jobalardy iske asyrý kezeńine ótýge jol ashady, — dep tolyqtyrdy Úkimet basshysynyń orynbasary.

Aıta keteıik, Astanada ótip jatqan «Qytaı — Ortalyq Azııa» iskerlik keńesiniń ekinshi otyrysy aıasynda jalpy quny 17 mıllıard AQSh dollarynan asatyn 35-ten astam memorandýmǵa qol qoıyldy.

Aıta keteıik, Ortalyq Azııa elderi men Qytaı 17 mlrd dollardyń kelisimine qol qoıdy.