Túrkistan oblysynda kene shaǵý deregi kúrt artty
TÚRKІSTAN. KAZINFORM - Jyl basynan beri oblystyń medıtsınalyq uıymdaryna 578 adam kene shaǵý shaǵymymen júgingen. ıAǵnı, ótken jyldyń sáıkes merzimimen salystyrǵanda kórsetkish 1,3 esege artqan.
Kene shaǵý jaǵdaılary oblystyń barlyq aýdan jáne qalalarynda tirkelip otyr. Ásirese, Saıram, Báıdibek aýdandary men Túrkistan qalasynda kórsetkish joǵary. Asa qaýipti Kongo-Qyrym gemorragııalyq qyzbasy derti boıynsha da bıyl alǵashqy rastalǵan jaǵdaı tirkeldi. ıAǵnı, 1 jaǵdaı zerthanalyq túrde naqtylandy.
Mamandardyń aıtýynsha, ýaqytyly aldyn alý sharalaryn qoldaný arqyly kene arqyly taralatyn aýrýlardyń kópshiliginiń aldyn alýǵa bolady. Sondyqtan turǵyndar jeke qaýipsizdikke mán berip, kúmándi jaǵdaılarda medıtsına qyzmetkerleriniń kómegine júgingeni jón.
- Kongo-Qyrym gemorragııalyq qyzbasy — óte qaýipti juqpaly aýrý. Ol kóbinese keneler arqyly taraıdy. Tabıǵat aıasynda, jaıylymda nemese demalys oryndarynda bolǵanda jándikterden qorǵaıtyn quraldardy paıdalaný kerek. Ashyq tústi, uzyn jeńdi jáne jabyq kıimder kıip, deneniń ashyq jerlerin barynsha jabý, janýarlar men qora-jaılardy kenege qarsy arnaıy quraldarmen óńdeý usynylady. Keneni jalań qolmen ustaýǵa nemese ezip-janshýǵa bolmaıdy. Kene shaǵý nemese kene janasýy jaǵdaıynda mindetti túrde medıtsınalyq kómekke júginý jáne 14 kún boıy dáriger baqylaýynda bolý qajet. Saıahat barysynda jáne odan keıin dene qyzýynyń kóterilýi, júrek aıný, qusý, ish ótý, qan ketý sııaqty belgiler baıqalsa, dereý emdeý mekemesine qaralyp, oqshaýlaný qajet, - delingen Túrkistan oblysynyń sanıtarııalyq-epıdemıologııalyq baqylaý departamentiniń mamandary usynǵan aqparatta.
Aıta keteıik, budan buryn Túrkistan oblysyndaǵy qoǵamdyq tamaqtaný oryndarynda ýlaný jaǵdaılary jıilegenin jazǵan bolatynbyz.