Túrkistan oblysynda Keles ózenine aǵyp ketken balany izdeý jumystary qaıta bastaldy
TÚRKІSTAN. KAZINFORM — Túrkistan oblysynda birneshe aı buryn Keles ózenine sýǵa ketken búldirshindi izdeý jumystary qaıta jalǵasty.
Keles aýdanynda 2018 jyly týǵan Jannur Tursynbek oıyn kezinde abaısyzda ózenge qulap ketken. Anasynyń aıtýynsha, oqıǵa 23 naýryz kúni saǵat 17:00 shamasynda bolǵan. Sodan beri bala tabylmaǵan.
Qazirgi tańda qutqarýshylar izdeý jumystaryn Qurylys eldimekeni mańyndaǵy Keles ózeninde júrgizip jatyr.
Іzdeý jumystaryna Túrkistan oblysy tótenshe jaǵdaılar departamentiniń kúshteri men quraldary, oblystyq jedel-qutqarý jasaǵy, Shymkent qalasy jáne Jambyl oblysy Tótenshe jaǵdaılar departamentteriniń qutqarýshylary, polıtsııa qyzmetkerleri, jergilikti atqarýshy organdardyń ókilderi, bilim berý salasynyń mamandary, eriktiler men balanyń týystary jumyldyryldy.
— Jalpy izdeý jumystaryna 90-ǵa jýyq adam men arnaıy tehnıka tartyldy. Qutqarýshylar sý aıdynyn tekserý kezinde qutqarý katerleri, eholottar, drondar jáne sýasty drondaryn paıdalanyp jatyr, — dep habarlady oblystyq TJD.
Buǵan deıin sáýir aıynda Keles ózenine aǵyp ketken 8 jastaǵy balany izdeý jumystary toqtatylǵan edi.
