Túrkistan oblysynda qaıtarylǵan aktıvter esebinen 30 áleýmettik nysan salynyp jatyr
ASTANA. KAZINFORM – Túrkistan oblysynda memleketke qaıtarylǵan aktıvter esebinen áleýmettik mańyzy bar jobalar júzege asyrylyp jatyr.
Sońǵy eki jylda Arnaıy memlekettik qor qarajaty esebinen óńirdegi 30 áleýmettik nysannyń qurylysyna 26,4 mlrd teńge bólindi.
Búgingi tańda onyń 27-siniń qurylysy aıaqtalyp, taǵy 3 nysanda jumys jalǵasýda.
– Baǵdarlama aıasynda paıdalanýǵa berilgen alǵashqy nysan – Ordabasy aýdany Temirlan aýylyndaǵy 300 oryndyq balalar saz mektebi. Jobanyń jalpy quny – 890 mln teńge. Qazirgi tańda mektepte ónerdiń 12 baǵyty boıynsha 400-ge jýyq oqýshy bilim alyp jatyr, – delingen Bas prokýratýranyń habarlamasynda.
Zamanaýı talaptarǵa saı jabdyqtalǵan bilim ordasynyń tárbıelenýshileri halyqaralyq, respýblıkalyq jáne oblystyq baıqaýlarda júldeli oryndarǵa ıe bolyp keledi.
Memleketke qaıtarylǵan aktıvter esebinen júzege asyrylyp jatqan jobalar óńirdiń áleýmettik ınfraqurylymyn damytýǵa, halyqtyń ómir súrý sapasyn jaqsartýǵa jáne óskeleń urpaqqa qolaıly jaǵdaı jasaýǵa baǵyttalǵan.
Aıta keteıik,
