Túrkistan oblysynda kásipkerlerdiń jumysyna zańsyz aralasqan 7 laýazym ıesi jazalandy
Túrkistan oblysynda kásipkerlerdiń jumysyna zańsyz aralasqan 7 laýazym ıesi jaýapqa tartyldy. Bul týraly sybaılas jemqorlyqqa qarsy is qımyl agenttiginiń Túrkistan oblysy boıynsha departamentiniń basshysy Murat Tóleýbaev málimdedi, dep habarlaıdy Kazinform.
Búgingi kúni Sybaılas jemqorlyqqa qarsy is qımyl agenttigimen kásipkerlikti qorǵaýǵa jáne qoldaýǵa baǵyttalǵan «Bızneske jol» jobasy júzege asyp jatyr.
Joba aıasynda ákimdik basshylyǵynyń jáne basqa da ýákiletti organdardyń kómegimen 1300-ge jýyq kásipkerdiń quqyǵy qorǵaldy.
Sondaı-aq, kásipkerlerdiń jumysyna zańsyz aralasqany úshin 7 laýazym ıesi túrli jaýapkershilikke tartyldy.
Al, bilim salasyndaǵy únemdelgen qarjylar balalardyń qaýipsizdigin qamtamasyz etý, oqýshylardy tamaqtandyrý, jylytý júıesin gazǵa kóshirý, mektep partalaryn, taqtalardy, mektepke deıingi uıymdarǵa jıhaz satyp alý jáne bilim mekemelerin jóndeýge joldanatyn boldy.
«Bilim salasy jemqorlyq táýekelderi joǵary salalardyń alǵashqy satysynda turǵany anyq. Osy salaǵa qatysty bıýdjettiń negizsiz qalyptastyrǵan 20 mlrd teńgesi qysqartyldy. Sonymen qatar, bilim mekemeleri qyzmetkerleriniń jumys ýaqytyn baqylaý maqsatynda týrnıket jáne bıometrııalyq qondyrǵylar ornatylýda. Bul jumysqa bıýdjetten 400 mln teńge bólindi», — dedi Murat Tóleýbaev.
