Túrkistan oblysynda Qasym, Jomart, Kemel esimdi úshem dúnıege keldi

TÚRKІSTAN. KAZINFORM-Keles aýdany, Abaı aýylynyń 33 jastaǵy turǵyny 7 qyzdan keıin úshem bosanyp, 10 balanyń anasy atandy.

Úshemderdiń ata-anasy kópten kútken uldaryna Qasym, Jomart esimderin berdi, al qyzyn Kemel dep atady.

Gúlnaz Myńjasar merziminen buryn – júktiliktiń 33-shy aptasynda bosanǵan. Keıbir qarsy kórsetkishterge baılanysty kópbalaly anaǵa ota jasalǵan. Ákesi Baqyt Myńjasar qurylysta jumys isteıdi. Al anasy jumyssyz. Shala týǵan balalardyń salmaǵy 2000 gramm shamasynda bolǵan.

«Ota jasaǵan jáne jalpy №1 Perınataldyq ortalyǵynyń akýsherlik blogyna úlken alǵysymdy bildiremin. Medıtsınalyq mekemelerde qolaıly jaǵdaı jasap, zamanaýı jabdyqtarmen qamatamasyz etkeni úshin jáne mamandardyń joǵary kásibıligi úshin alǵysym sheksiz. Esimderin Prezıdentimiz sııaqty úlken azamat bolsyn degen yrymmen Qasym, Jomart, Kemel dep qoıdyq», – dedi úshemniń anasy Gúlnaz Myńjasar.

Aıta keteıik, budan buryn kentaýlyq 28 jastaǵy kelinshek úshem bosanǵan bolatyn.