Túrkistan oblysynda qarýdy saqtaý talabyn buzǵan 700-ge jýyq azamat jaýapqa tartyldy
TÚRKІSTAN. KAZINFORM – Túrkistan oblysynda jyl basynan beri zańsyz aınalymnan 79 qarý tárkilendi.
Túrkistan oblysynda «Qarý» jedel-profılaktıkalyq is-sharasy ótip jatyr. Іs-sharanyń alǵashqy táýliginde oblys aýmaǵynda tirkelmegen 2 atys qarýy tárkilendi. Sondaı-aq qarýdy saqtaý qaǵıdalary men tirkeý tártibin buzǵan 17 azamat ákimshilik jaýapkershilikke tartyldy.
Túrkistan oblysy polıtsııa departamentiniń málimetinshe, jyl basynan beri óńirde zańsyz aınalymnan 79 qarý alynǵan.
– Budan bólek 38 qarý azamattar tarapynan erikti túrde ishki ister organdaryna tapsyryldy. Qarýdy saqtaý qaǵıdalaryn buzǵan 700-ge jýyq azamatqa qatysty ákimshilik quqyq buzýshylyq týraly hattamalar toltyryldy, – delingen polıtsııanyń resmı málimetinde.
Polıtsııa departamenti oblys turǵyndaryn zańsyz saqtalǵan nemese paıdalanylyp júrgen qarý týraly qandaı da bir aqparat belgili bolsa, 102 arnasyna habarlaýǵa shaqyrdy.
Buǵan deıin Túrkistan oblysynda alty aıda mal urlyǵynyń 48 deregi tirkelgenin habarlaǵan edik.
