Túrkistan oblysynda qart ákesin azaptaǵany úshin 5 jylǵa sottalǵan adamnyń jazasy uzartyldy
TÚRKІSTAN. KAZINFORM – Týǵan ákesin uryp-soǵyp, azaptaǵany úshin sottalǵan adam alty jylǵa bas bostandyǵynan aıyryldy.
Jetisaı aýdanynda 41 jastaǵy Almas Sadaqbaevty týǵan ákesine júıeli túrde zorlyq kórsetkeni úshin alǵashqy sot 5 jylǵa bas bostandyǵynan aıyrý jazasyn taǵaıyndaǵan bolatyn. Alaıda Shardara aýdandyq prokýratýrasy bul jazany jeńil dep taýyp, apellıatsııalyq shaǵym túsirdi.
Sot alqasy apellıatsııalyq tártipte isti qarap, Sadaqbaevtyń jasaǵan qylmysynyń sıpaty men qoǵamdyq qaýiptiligin obektıvti túrde baǵalap, jazany kúsheıtý týraly sheshim qabyldady.
– Sot aldyńǵy berilgen jazanyń qylmystyń aýyrlyǵyna sáıkes kelmeıtini týraly qorytyndyǵa súıene otyryp, bas bostandyǵynan aıyrý merzimin uzartty, – dep habarlady sot.
Nátıjesinde Almas Sadaqbaevqa túpkilikti 6 jyl merzimge bas bostandyǵynan aıyrý jazasy taǵaıyndaldy.
Qaýly zańdy kúshine endi.
Tergeý málimetteri boıynsha, 41 jastaǵy kúdikti uzaq ýaqyt boıy qart ákesin uryp-soqqan jáne azaptaǵan. Bul is qoǵamda úlken rezonans týdyrdy.
Budan buryn Túrkistan oblysynda ákesin uryp, qorlyq kórsetken turǵyn qamaýǵa alynǵanyn jazǵan edik.
Keıinnen qaıtys bolǵan qarııanyń máıitine eksgýmatsııa jasalyp, saraptama taǵaıyndaldy.
Shardaradaǵy qarııanyń ólimi boıynsha is sotqa joldandy.
Buǵan deıin ótken sot otyrysynda prokýror sottalýshyǵa 6 jyl 2 aı jaza surady.
Týǵan ákesine qatygezdikpen adam tózgisiz qorlyq kórsetken er adamnyń 5 jylǵa sottalǵany habarlanǵan bolatyn.
