Túrkistan oblysynda qarasora alqaby men kóknár túpteri joıyldy
TÚRKІSTAN. KAZINFORM — Túrkistan oblysynda quqyq qorǵaý organdary esirtki qylmystarymen kúresti kúsheıtti.
Polıtsııa qyzmetkerleri eki apta ishinde 705 keliden astam marıhýana, 260 keliden astam kóknár jáne bir ańshy myltyǵyn zańsyz aınalymnan alyp, qylmysqa qatysy bar kúdiktilerdi ustady.
Búginde barlyq derek boıynsha sotqa deıingi tergeý amaldary júrgizilip jatyr.
Atap aıtqanda, «Qarasora» jedel-profılaktıkalyq is-sharasy barysynda Sozaq aýdanynda quramynda esirtki zaty bar iri plantatsııa anyqtaldy. Oqıǵaǵa baılanysty Qyzylorda oblysynyń eki turǵyny jáne Shymkent qalasynyń bir turǵyny ustaldy. Olardan 900-den astam qarasora jáne 260-qa jýyq kóknár túpteri tárkilendi.
Polıtsııa departamentiniń málimetinshe, mundaı is-sharalar zańsyz esirtki aınalymyn joıý jáne quramynda esirtki bar ósimdikterdi ósirý qylmysynyń aldyn alý maqsatynda jalǵasa beredi.
— «Qarasora — 2025» jedel-profılaktıkalyq is-sharasy aıasynda oblys aýmaǵynda 21 myńnan astam aýla, sharýashylyq qurylystar, ónerkásiptik nysandar jáne egistik alqaptary tekserildi. Sonyń nátıjesinde eki apta ishinde esirtkige qatysty 11 qylmystyń joly kesildi, — delingen Túrkistan oblysy polıtsııa departamenti taratqan aqparatta.
Aıte keteıik, budan buryn Túrkistanda toı kortejin uıymdastyrǵan júrgizýshiler jaýapqa tartylǵanyn jazǵan bolatynbyz.