Túrkistan oblysynda kámeletke tolmaǵan qyzdy zorlaǵan kúdikti qamaýǵa alyndy

TÚRKІSTAN. KAZINFORM - Qazir tergeý amaldary júrip jatyr.

полиция
Фото: Polisia.kz

Áleýmettik jelide taraǵan aqparatqa súıensek, Túrkistan oblysynda 8-synyp oqýshysy júkti bolyp qalǵan. Jábirlenýshiniń úıine barǵan kúdikti eshkimniń joq sátin paıdalanyp, jasóspirim qyzdy qorqytyp, zorlaǵan.

Túrkistan oblysy polıtsııa departamentiniń baspasóz qyzmeti qylmysqa qatysy bar adamnyń qamaýǵa alynǵandyǵyn málimdedi.

- Keles aýdanyndaǵy kámeletke tolmaǵanǵa qatysty quqyqqa qaıshy is-qımyl faktisi boıynsha QR QK-niń 120-baby 4-bóligimen sotqa deıingi tergeý amaldary júrgizilip jatyr. Tergeý barysynda qylmys jasaýy yqtımal kúdikti anyqtaldy. Ol jedel-izdestirý is-sharalarynyń nátıjesinde qolǵa túsip, ýaqytsha ustaý ızolıatoryna qamaldy. Qazirgi ýaqytta barlyq mán-jaılardy anyqtaýǵa baǵyttalǵan qajetti tergeý sharalary atqarylýda. Qylmystyq is polıtsııa departamenti basshylyǵynyń baqylaýynda,-delingen aqparatta.

Aıta keteıik, budan buryn Shymkentte ıtti kólikpen súıregen júrgizýshi jaýapqa tartylǵanyn jazǵan bolatynbyz.

 

Сейчас читают