Túrkistan oblysynda mektep oqýshysy qyz zorlady degen kúdikpen tergelip jatyr

TÚRKІSTAN. KAZINFORM –  Polıtsııa Tólebı aýdanyndaǵy kámeletke tolmaǵanǵa qatysty jynystyq sıpattaǵy zańsyz áreket faktisi boıynsha tergeý júrgizip jatyr. Bul týraly Túrkistan oblysynyń Polıtsııa departamenti baspasóz qyzmeti málimdedi. 

Polıtsııa departamentiniń málimetinshe, kúdikti kámeletke tolmaǵan jergilikti turǵyn ustalyp, ýaqytsha ustaý abaqtysyna qamaldy.

«Saraptama taǵaıyndaýmen qatar qajetti tergeý áreketteri júrgizilip jatyr.  Barlyq jaǵdaılar anyqtalyp jatyr. Tergeý múddesi úshin ózge de aqparattar jarııalaýǵa jatpaıdy. Іs Túrkistan oblysy Polıtsııa departamenti basshylyǵynyń baqylaýynda», — delingen habarlamada. 

Áleýmettik jelilerde taraǵan aqparatqa sensek, oqıǵa 24 sáýir túngi saǵat ekiler shamasynda bolǵan.