Túrkistan oblysynda qalyń tumanǵa baılanysty júrgizýshilerge jolda saq bolý eskertildi

TÚRKІSTAN. KAZINFORM – Túrkistan oblysynda birqatar joldarda aýa raıynyń qolaısyzdyǵyna baılanysty júrgizýshilerge eskertý jarııalandy.

Shymkent-Samara tas jolynyń 116-149 shaqyrym aralyǵynda jáne Keles aýdany arqyly ótetin respýblıkalyq mańyzy bar A-15 Jibek joly - Jetisaı tas jolynyń 210-130 shaqyrym aralyǵynda qalyń tuman túsýine baılanysty kóriný qashyqtyǵy kúrt tómendegen.

– Júrgizýshilerden jol qozǵalysy erejelerin qatań saqtap, jyldamdyqty asyrmaýdy suraımyz, – dedi oblystyq PD patrýldik polıtsııa batalonynyń qyzmet ınspektory Bıgeldi Botabekov.

Budan buryn Qazaqstanda 6 qańtarda respýblıkalyq mańyzy bar qaı joldar jabyq ekenin jazǵan edik.