Túrkistan oblysynda ınternet alaıaqtar 70 mln teńgeden asa qarajat jymqyrǵan
TÚRKІSTAN. KAZINFORM – Túrkistan oblysynda jyl basynan beri 661 ınternet-alaıaqtyq qylmys tirkelgen.
Túrkistan oblystyq Polıtsııa departamenti Kıberqylmysqa qarsy is-qımyl basqarmasy qyzmetkerleriniń jedel izdestirý is-sharalarynyń nátıjesinde birneshe qylmystyq isterge qatysy bar 38 kúdikti ustaldy.
- Olar azamattarǵa jalpy somasy 70 mıllıon teńgeden astam zalal keltirgen. Sonymen qatar Astana qalasynda ornalasqan 68 droptan turatyn uıymdasqan qylmystyq top qolǵa tústi. «Antıfrod-ortalyq» júıesi arqyly bıyl kúdik keltiretin 1 288 tulǵanyń esepshottaryn buǵattaýǵa arnaıy organdarǵa usynys joldandy, - dedi oblystyq PD Kıberqylmysqa qarsy is-qımyl basqarmasy bastyǵynyń mindetin atqarýshy Ermek Eralyuly.
Sondaı-aq Polıtsııa departamenti men Halyqaralyq qazaq-túrik ýnıversıteti arasynda jasalǵan memorandým aıasynda «Kıbernadzor» júıesi arqyly 4 300 quqyqqa qaıshy kontent buǵattaldy.
Budan buryn Túrkistan oblysynda polıtseı para aldy degen kúdikpen ustalǵanyn jazǵan edik.