Túrkistan oblysynda haıp qýǵan jigittiń kóligi aıypturaqqa qoıyldy
TÚRKІSTAN. KAZINFORM — Túrkistan oblysynda joldyń dál ortasynda kólik qozǵalysyna kedergi keltirgen jigittiń vıdeosy áleýmettik jelide tarady.
Jelide jarııalanǵan beınerolıkten azamattyń jol qozǵalysyna qatysýshylardyń qaýipsizdigine qaýip tóndiretin áreket jasaǵany kórinedi.
Beınejazba Saryaǵash aýdandyq polıtsııa basqarmasy qyzmetkerleriniń nazaryna ilikken. Tártip saqshylary áleýmettik jelidegi jarııalanymdy zerdelep, beınerolıktegi azamattyń jeke basyn anyqtady. Ol — Shymkent qalasynyń 24 jastaǵy turǵyny.
— Er adamǵa qatysty qoldanystaǵy zańnamaǵa sáıkes shara qoldanyldy. Onyń avtokóligi arnaıy aıypturaqqa qoıyldy, — dep habarlady oblystyq polıtsııa departamenti.
Polıtsııa ókilderi bir sáttik haıptyń sońy orny tolmas ókinishke ákelýi múmkin ekenin eskertip, azamattardy jol qozǵalysy erejelerin qatań saqtaýǵa shaqyrdy.
Buǵan deıin poıyzda ádepsiz áreket jasaǵan 69 jastaǵy qyzylordalyq jazalanǵanyn jazǵan edik.
