Túrkistan oblysynda halyqty jumyspen qamtý jáne kedeılik deńgeıin tómendetý jumystary jalǵasyp jatyr
TÚRKІSTAN. KAZINFORM-Túrkistan oblysyna qarasty aýdan, qalalarda halyqty jumyspen qamtý jáne jumys oryndaryn qurý, az qamtylǵan otbasylar sanyn azaıtyp, tabysyn arttyrý sharalary júıeli júrgizilip keledi.
Bıyl óńir turǵyndary arasynda jumyssyzdyq deńgeıin 4,9%-dan, kedeılik deńgeıin 5,5%-dan asyrmaý kózdelip otyr.
Óńirde jańa jumys oryndaryn ashý arqyly halyqty turaqty jumyspen qamtý sharalary qarqyn alǵan. Bul baǵytta bıyl oblys ákiminiń uıytqy bolýymen 118,9 myń jańa jumys ornyn ashýǵa baǵyttalǵan «Óńirlik jumyspen qamtý kartasy» bekitildi. ıAǵnı, óńir turǵyndary arasynan 108 myń adam turaqty jáne ýaqytsha jumys oryndaryna, al qalǵan 3,7 myń turǵyn ulttyq jobalar aıasynda jumysqa ornalasa alady, oǵan qosa grant jáne shaǵyn nesıe berý boıynsha jumystar júıelenip keledi.
Oblysta ekonomıkalyq salalarǵa sáıkes iske asyrylyp jatqan jańa jumys oryndary men ınfraqurylymdyq jobalarǵa jóndeý jumystaryn júrgizý kózdelip otyr. Sonymen qatar aǵymdaǵy jyldyń shilde aıynda 176 joba qolǵa alynyp, 1 248 jumys orny ashylǵan.
Sondaı-aq sýbsıdııalanǵan jumys oryndarynyń biri qoǵamdyq jumys oryndary bolyp tabylady. 2024 jyly qoǵamdyq jumysqa 14 myńǵa jýyq jumyssyz azamattardy joldaý josparlanyp, nátıjesinde 13,6 myń adam qoǵamdyq jumys oryndaryna joldandy. Osy tusta qoǵamdyq jumys oryndaryna joldanǵandardyń ishinen «Taza Qazaqstan» aktsııasy negizinde 8,5 myń adam jumysqa ornalasty.
Jastar praktıkasy, áleýmettik jumys oryndary, alǵashqy jumys oryndary, kúmis jas jobasy men sýbsıdııalanatyn jumys oryndaryna 23,5 myń azamattar joldanyp, turǵyndar turaqty jumyspen qamtylyp keledi.
Qaıtarymsyz grant berý boıynsha jańa bıznes ıdeıalardy iske asyrý maqsatynda 1 793 adamǵa grant berý josparlanyp, ótkizilgen 1-shi lektiń nátıjesimen 893 adamǵa bıznes ıdeıalardy iske asyrýǵa grant berildi.
Jumyspen qamtý sharalaryn iske asyrý aıasynda jumyssyzdyq deńgeıi 4,9% qurady.
Jalpy, oblysta kedeılik deńgeıin tómendetý baǵytynda birqatar mańyzdy jumystar qolǵa alynýda. Kórsetkishterge sáıkes óńirde 116,2 myń adamdy ataýly áleýmettik kómekpen qamtamasyz etý maqsatynda bıýdjet esebinen 12,2 mlrd.teńge qarjy qaralǵan. Bıylǵy jartjyldyqta 13 569 otbasydaǵy 81 195 adamǵa ataýly áleýmettik kómek taǵaıyndalyp, jyl basynan beri óńirimizde az qamtylǵan azamattardyń sany 10,8 myń adamǵa nemese 44%-ǵa azaıǵan.
Qabyldanǵan sharalardyń aıasynda az qamtylǵan azamattardyń úlesi oblys halyq sanynan 3,8% qurady.
Atalǵan baǵytta aýdan, qalalarda ýchaskelik komıssııanyń jumysyna, AÁK taǵaıyndaýdyń durystyǵyna monıtorıng jumystaryn júrgizý, AÁK taǵaıyndaýdyń zańdylyǵyna zerdeleý jumystaryn júrgizý syndy jumystar jaýapty mamandardyń tikeleı qadaǵalaýynda.
Bul baǵyttaǵy jumystar aldaǵy ýaqytta da jalǵasatyn bolady.
