Túrkistan oblysynda gaz jarylyp, eki adam qaza boldy
TÚRKІSTAN. KAZINFORM- Oqıǵa Shardara aýdany Jaýshyqum aýylynda boldy.
Túrkistan oblysy Tótenshe jaǵdaılar departamentiniń baspasóz qyzmeti taratqan aqparatqa súıensek, jeńil avtokólik avtogaz quıý stantsııasyna soqtyǵysqan. Saldarynan rezervýardan gaz aǵyp, keıin gaz-aýa qospasy tutandy. Sondaı-aq, jarylys boldy. Keıin órt jaqyn mańda turǵan kólikke aýysqan.
Oqıǵa saldarynan eki adam oqıǵa ornynda kóz jumdy, úsh adam kúıik jaraqatyn aldy.
- Medıtsına qyzmetkerleri bir zardap shekken adamdy aýrýhanaǵa jatqyzdy, eki adam medıtsınalyq kómekke óz betimen júgindi. TJD qyzmetkerleriniń kúshimen órt tolyq sóndirildi, - delingen vedomstva aqparatynda.
Avtogaz quıý stantsasyndaǵy jarylystan zardap shekken 3 naýqas Shardara aýdandyq ortalyq aýrýhanasyna jetkizilgen. Olardyń biri dene jaraqatyna baılanysty búgin jansaqtaý bóliminde qaıtys boldy. Qalǵan eki naýqas ortasha jaǵdaıdaǵy dene jaraqatyna oraı hırýrgııa bólimine aýystyryldy.
Medıtsınalyq avıatsııa arqyly kombýstıolog jáne reanımatolog maman keńes berýge shaqyrtyldy.
Eki adamnyńda qazirgi jaǵdaıy qalypty. Medıtsınalyq kómek tolyqqandy kórsetilip jatyr.
Aıta keteıik, budan buryn merekede áıelderdi syılyqsyz qaldyrǵan shymkenttik eki jigit qamaýǵa alynǵanyn jazǵan bolatynbyz.