Túrkistan oblysynda gaz jarylyp, eki adam aýrýhanaǵa jetkizildi

TÚRKІSTAN. KAZINFORM- Qysqa tolqyndy pesh qosylǵanda gaz jarylǵan.

Oqıǵa Tóle bı aýdanyna qarasty Lenger qalasynda boldy. Azyq-túlik dúkeninde gaz jarylyp, saldarynan ǵımarattyń qabyrǵalary qulaǵan.

Sondaı-aq, eki adamnyń beti kúıip qaldy. 

«59 jastaǵy adamnyń betin 10-12 paıyzǵa kúıik shalǵan, al 6 jastaǵy balanyń beti 6-7 paıyzǵa kúıgen. Qos turǵyn Leńgir qalalyq aýrýhanasyna jetkizildi», - delingen Túrkistan oblysy Tótenshe jaǵdaılar departamentiniń baspasóz qyzmeti usynǵan aqparatta. 

Al, áleýmettik jelide taraǵan vıdeodan qabyrǵalary qulap jatqan dúkendi kórýge bolady.

Vıdeo avtory qysqa tolqyndy pesh qosylǵan kezde jarylys bolǵanyn aıtqan.