Túrkistan oblysynda gaz tapshy
Túrkistan oblysynda gaz tapshylyǵy bar, dep habarlaıdy Kazinform.
Áleýmettik jelide avtogazǵa kezekte turǵan júrgizýshilerdiń vıdeosy tarady. Onda kezegin kútip turǵan 30-ǵa jýyq kólikti kórýge bolady. Tipti, arasynda as úıge arnalǵan gaz ballondaryn alyp barǵan turǵyndar da bar. Jeli qoldanýshylarynyń jazýynsha oqıǵa Túrkistan oblysynyń Ordabasy aýdanynda bolǵan.
Al, atalǵan jaǵdaıǵa oraı resmı pikir bildirgen Túrkistan oblysy ákimdiginiń baspasóz qyzmeti oqıǵanyń Ordabasy aýdanynda bolmaǵanyn málimdedi.
«Zerdeleý jumystaryn júrgizý nátıjesimen atalǵan beıne túsirilim Ordabasy aýdanynda oryn almaǵyndyǵy anyqtaldy. Aýdan aýmaǵynda jalpy 29 avtogaz quıý beketteri ornalasqan, onyń ishinde qazirgi ýaqytta 8-i turaqty jumys istep tur. Jalpy onda 21,5 tonna gaz bar. Suıytylǵan gazdyń ortasha baǵasy 64-75 teńgeni quraıdy»-delingen aqparatta.
Sondaı-aq, ákimdik jetkizýshiler tarapynan gaz ýaqytyly kelmeýine baılanysty keıbir avtogaz beketteri jumys istemeı turǵanyn, gaz tapshylyǵyn joqqa shyǵarmaıtyndyǵyn jetkizdi.
