Túrkistan oblysynda gaz ballony jarylyp, 6 adam zardap shekti
TÚRKІSTAN. KAZINFORM – Aýrýhanaǵa jetkizilgen 6 adamnyń úsheýi jansaqtaý bóliminde jatyr.
Oqıǵa Sozaq aýdany, Aqqoltyq aýylynda boldy. Jeke turǵyn úıde 27 lıtrlik turmystyq gaz ballony jarylyp, 180 sharshy metrlik jeke turǵyn úı tolyǵymen qırap qaldy.
Órt sóndirý bólimshesiniń qyzmetkerleri kelgenge deıin kórshiler úıindi astynan termııalyq kúıik shalǵan 6 adamdy aýrýhanaǵa jetkizgen. Onyń ishinde kámeletke tolmaǵan 5 bala bar.
«Jarylys saldary anyqtalyp jatyr. Saǵat 21:40-ta qıraǵan úıindini ashý jumystary barysynda 20 sharshy metr qıraǵan tóbe jappasynyń janǵany anyqtaldy. Órt saǵat 21:55-te oqshaýlanyp, saǵat 23:12-de tolyq sóndirildi. 6 adam aýrýhanaǵa jetkizildi. Qazir úsheýi jansaqtaý bóliminde em qabyldap jatyr», - dedi Sozaq aýdandyq Tótenshe jaǵdaılar bóliminiń bastyǵy, azamattyq qorǵaý podpolkovnıgi Qanat Aqbaev.
Aıta keteıik, budan buryn Túrkistan oblysynda bir ózi eki aýdanǵa qaraıtyn aýyldar bar ekendigin jazǵan bolatynbyz.