Túrkistan oblysynda ǵasyr jasaǵan qarııalar óz tańdaýyn jasady
Túrkistan oblysynda ǵasyr jasaǵan qarııalar men aq jaýlyqty ájeler óz tańdaýyn jasady, dep habarlaıdy Kazinform.
Báıdibek aýdany, Borlysaı aýyldyq okrýgindegi №168 saılaý ýchaskesiniń komıssııa músheleri 103 jastaǵy Qarashash Tájibaeva men 100 jastaǵy Shıtibek Jumataevtyń shańyraǵynda boldy.
Ǵasyr jasaǵan qos turǵyn aýdan ákimine úmitkerlerge jyljymaly saılaý jáshigi arqyly daýys berip, óz tańdaýlaryn jasady. Qarııalar elimizdiń keleshegi kemeldi, bolashaǵy baıandy, Táýelsizdigi tuǵyrly bolýyn tilep, bata berdi.
Jalpy Báıdibek aýdanynda 50 saılaý ýchaskesi bar. Aýdan boıynsha 28 807 turǵyn saılaý quqyǵyna ıe. Qazirgi tańda báıdibektikterdiń naýqanǵa qatysý belsendiligi joǵary.
Al, Shardara aýdany Alataý batyr aýyldyq okrýginiń turǵyny 104 jastaǵy Jibek Kojasova №869 saılaý ýchaskesine kelip óz tańdaýyn jasady. Sondaı-aq keıýana kópshilikti saılaýǵa belsendi qatysýǵa shaqyrdy.
Jalpy Shardara aýdanynda 33 saılaý ýchaskesi bar. Barlyq daýys berý oryndary materıaldyq-tehnıkalyq qural-jabdyqtarmen jabdyqtalǵan. Sonymen qatar múmkindigi shekteýli azamattarǵa da ýchaskelerde tolyq jaǵdaı jasalǵan.
Aıta keteıik, búgin Túrkistan oblysynyń 4 aýdanynda ákim saılaýy ótip jatyr.
