Túrkistan oblysynda er adamnyń ólimine qatysty kúdiktiler ustaldy
TÚRKІSTAN. KAZINFORM – Túrkistan oblysynda er adamnyń ólimine qatysty qylmystyq is qozǵaldy. Polıtsııanyń málimetinshe, oqıǵaǵa qatysy bar kúdiktiler ustalǵan.
Áleýmettik jelide Túlkibas aýdanynda aýyldastarymen kezdesýge shyqqan er adamnyń kisi qolynan qaza tapqany týraly aqparat tarady.
Jarııalanǵan málimetke sáıkes, birneshe er adam turǵyndy soqqyǵa jyqqan.
Osy jaıtqa qatysty Túrkistan oblysy polıtsııa departamenti túsinikteme berdi.
– Túlkibas aýdany turǵynynyń qaza bolý deregi boıynsha qylmystyq is qozǵaldy. Oqıǵaǵa qatysy bar barlyq tulǵa anyqtalyp, kúdiktiler ustaldy, – dep habarlady vedomstvodan.
Polıtsııanyń málimetinshe, qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr.
Tergeý qorytyndysy boıynsha árbir qatysýshynyń is-áreketine quqyqtyq baǵa berilip, tıisti protsestik sheshim qabyldanady. Tergeý múddesine baılanysty ózge aqparat jarııa etilmeıdi.
Buǵan deıin Túrkistan oblysynda synyptasyn óltirgen 4 oqýshyǵa úkim shyqqanyn jazǵan edik.
