Túrkistan oblysynda ekstremıstik sıpattaǵy materıaldardy taratqan kúdikti ustaldy
ASTANA. KAZINFORM – Túrkistan oblysynda ekstremıstik sıpattaǵy materıaldardy taratty degen kúdikke ilingen sheteldik ustaldy. Bul týraly Polisia.kz jazdy.
Jedel-izdestirý is-sharalary barysynda Túrkistan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri Qazaqstan azamattary arasynda, onyń ishinde áleýmettik jeliler arqyly halyqaralyq terrorıstik uıymdardyń ýaǵyzshylarynyń beınerolıkterin jáne terrorızm ıdeologııasyn nasıhattaıtyn materıaldardy taratqan radıkaldy dinı ıdeıalardy jaqtaýshy taıaý shetel azamatyn ustady.
«Kúdiktini jeke tintý kezinde jedel ýákilder zattaı dáleldemeler bolyp tabylatyn materıaldar bar eki uıaly telefondy tárkiledi. Qylmystyq is qozǵaldy. Kúdikti ýaqytsha ustaý ızolıatoryna qamaldy. Qazirgi ýaqytta osy fakt boıynsha jedel-tergeý is-sharalary júrgizilip jatyr. Tıisti saraptamalar taǵaıyndaldy», — delingen habarlamada.
