Túrkistan oblysynda eki jasar bala ájethanaǵa qulap, kóz jumdy
TÚRKІSTAN. KAZINFORM — Túrkistan oblysynyń Túlkibas aýdanynda eki jasar bala ájethanaǵa qulap, kóz jumdy.
Túrkistan oblystyq Tótenshe jaǵdaılar departamentiniń málimetinshe, qaıǵyly oqıǵa 22 shildede Aqsý-Jabaǵyly aýylynda bolǵan.
— Aldyn ala málimet boıynsha, 2024 jyly týǵan búldirshin turǵyn úıdiń aýlasynda eresekterdiń qaraýynsyz qalyp, abaısyzda tereńdigi shamamen 2,5 metr bolatyn syrtqy ájethanaǵa qulap ketken, — delingen habarlamada.
Oqıǵa ornyna Túrkistan oblysy Tótenshe jaǵdaılar departamentiniń qutqarýshylary, jedel medıtsınalyq járdem qyzmeti, polıtsııa bóliminiń qyzmetkerleri, jergilikti atqarýshy organ men orman sharýashylyǵynyń mamandary jumyldyryldy.
Qutqarýshylar balanyń denesin syrtqa shyǵardy.
Buǵan deıin Túrkistan oblysynda balalardyń qaraýsyz qalýynan 8 sýdaǵy jazataıym oqıǵa tirkelgeni týraly jazǵan edik.
