Túrkistan oblysynda eki kólik soqtyǵysyp, 7 adam kóz jumdy
TÚRKІSTAN. KAZINFORM – Báıdibek aýdanyndaǵy Shaıan-Ekpindi avtojolynda bolǵan jantúrshigerlik jol apatynan 7 adam qaza tapty. Polıtsııa qylmystyq is qozǵady.
Aldyn ala málimetke sáıkes, qaıǵyly oqıǵa túngi ýaqytta bolǵan. Toyota Camry jáne Volkswagen Passat avtokólikteri soqtyǵysyp, saldarynan 7 adam oqıǵa ornynda kóz jumdy.
– Qazirgi ýaqytta oqıǵanyń mán-jaıyn anyqtaýǵa baǵyttalǵan qajetti tergeý jáne protsessýaldyq is-sharalar júrgizilip jatyr. Tergeý nátıjesi boıynsha zańnamaǵa sáıkes tıisti protsessýaldyq sheshim qabyldanady, – dep habarlady oblystyq polıtsııa departamenti.
Polıtsııa júrgizýshilerge jol qozǵalysy qaǵıdalaryn qatań saqtaýdy, jol jáne aýa raıy jaǵdaılaryn eskerip, jyldamdyqty asyrmaýdy suraıdy. Sondaı-aq kólik quralyn basqarý kezinde barynsha muqııat bolýǵa shaqyrady.
Buǵan deıin Túrkistan oblysynda jol apatynan bir áýlettiń 5 qyzy kóz jumǵany týraly jazǵan edik.
